Safe!

Kahapon, pagdating ko ng opis, nag-iisa kong dinatnan yung officemate ko, mukhang me dinadalang mabigat. tinanong ko kung bakit:

“Terminate na ako, ngayon lang”

“Ha?, Bakit?

“Nagkasagutan kami ni boss, nainis, ayaw na raw nya sa akin”

“ganun lang?”

Ramdam kong devastated sya, It’s a surprise, di man lang sya binigyan ng taning. Pero alam nyu na, pareho silang local, parehong mataas ang pride.

Tinawagan kasi sya the day before, late na, tapos na ang duty nya, pinapunta sya sa site para lang palitan yung extension wire. Nainis sya dahil on the way sila ng nanay nya for doctor’s appointment tapos ganun lang, sa maliit na pinagagawa. nagkasagutan sa phone.

“I love my work, Ayoko naman na magtrabaho sa father ko, oo mas mataas ang sweldo pero mas gusto ko dito” yun ang sabi nya sa akin.

Nag-isip-isip ako: kung wala na sya sa opis, it’s going to be chaos, wala pa syang kapalit tapos ang gulo pa ng management. I text my boss:

“Good morning, Mohammed is fired? He is one of the few person I know that’s dedicated to his work.”

text back: “Actually he’s not fired, he resigned.

Me: “I just talked to him, he said he love his job. Can we fix it? Whatever your decision is, I respect, I’m only suggesting”.

After ten minutes, pinatawag sya sa opis. Five minutes, bumalik, smiling.

“I’m hired again”.

Si Mohammed.

having fun talking to a taxi driver

Rated PG.

 

join me having fun sa usapang wala lang between me and a pakistani taxi driver waiting faor a passenger. enjoy!

Para sa kinauukulan at sa mga katulad nila.

Medyo late na ito, pahabol na lang, medyo napahaba ang pananahimik ko.

I strongly support the principles of the  author of this video.

ulan

Nung kelan, umulan ng buhangin.

Nung isang araw, umaulan ng yelo.

Kanina naman, tunay na ulan.

Minsan sa asul na buwan, umuulan ng tipaklong!

Yes, anak ng tipaklong, kung anu-anu na nahuhulog galing sa kalangitan.

Parang me kinalaman yung mga header images ko sa takbo ng panahon, pansin nyo?

Gaano Kadakila?

Ang Pag-ibig ay kapangyarihan,

Kakayanang taglay,

Salamin ng buhay.

₪₪₪₪₪₪₪

Mga bagay na nalikha,

Pag-ibig ang may akda.

Sa damdaming tuligsa,

Ang pagkamuhi ay nakuha.

₪₪₪₪₪₪₪₪

Sukatan ng dakilang pag-ibig,

Ay ang lawak ng sanhi,

Sa dulot na ligaya

Ng inalayang uri.

Maligayang araw ng mga puso!

ugat ng lahi

Sa aking pagtigil dito sa gitnang silangan ng medyo mahaba-haba na ring panahon, meron akong napansin sa ilang pagkakahawig ng salitang arabic at tagalog.

Ang mga susunod ay  ilan lamang na  sa aking kuro-kuro, ay mga salitang tagalog na nagmula sa lumang salitang arabe:

• Ate galing sa salitang    Okhti* na ibig sabihin ay aking kapatid na babae, Okht* أخت , kapatid na babae, mapa-bata o matanda man.

• Kuya galing sa salitang  Khuya*, kolokyal ng Akhuya*, o Akhu* أخ kapatid, kapatid na lalaki.
  

• Pantalon sa salitang Bantalon. Sa wikang arabe, walang letrang P, pinapalit ang letrang B, Ibig sabihin, mahabang kasuotang pang-ibaba na       pasanga ang hugis.

• Salawal galing sa salitang  Sarwal السراويل , maiksing kasuotang pang-ibaba, kadalasan ay panloob.

• Bathala galing sa salitang Bait Ul’lah,  na ang ibig sabihin ay Bahay ng Diyos (bait-bahay, Allah- Diyos)

• Paham galing  sa Fhm,  Fahm,  o Faham, unawa, pagkakaunawa, talino, intindi.  Halimbawa: Faham keif?[ (naintindihan mo ba?/naunawaan mo ba kung papa-ano?) keif-paano].

• Hiya galing sa Hya o Haya.  Mafi Haya (kolokyal), walang hiya.  Mafi Ishtihi ang wastong pangungusap. Mafi-wala, haya /Ishtihi, Haya-hiya.

• Wala galing sa Oa la, Wa la. ibig sabihin o hindi. Halimbawa, “Tutuo o hindi”, “Sahi wa la la“.

• Alam galing sa Ălm o Ălam. Karunungan, dunong, pagkaka-alam, pwede ring lihim na karunungan. Binibigkas ang letrang Ă sa kasong ito na parang nabilaukang manok, ibaba ng sagad ang vocal cords, ibuka ang bibig at lagyan ng bahagyang stress ang mga tonsils habang piliting bigkasin ang letrang A. Umaakma din dito ang salitang tagalog na:
• Alamat galing sa Ălamat, plural form ng Ălam.

• Salamat, galing sa salitang Salamaat, plural form ng salitang Salaam, na ang ibig ipahiwatig ay katiwasayan, kapayapaan, o katahimikan.  Mayroong issue dito na ang salita ay nanggaling sa Malay word na Selamat, pero pansinin na maraming impluwensya ng salitang arabic ang Malayan langguage.

• Bassit (Ilocano) , mula sa Bassit o Bassita (pambabae),  kaparehong kapareho ang ibig sabihin na kapiraso, kapiranggot, kakaunti o bahagya .
• Salamin galing sa salitang Alamin, arabic  ibig sabihin mga daigdig.

*kh, binabanggit ng pailalim sa lalamunan.

Kung meron pa kayong alam na salitang banyaga, na hawig sa salitang tagalog, maaring i-share sa pamamagitan ng pag-kumento. Ang post na ito ay aking i-aapdate kapag nakapag kalap pa ako ng panibagong impormasyon, balik-balikan po lamang.

Ang post na ito ay batay lang po sa aking sariling palagay. Paki-tama po ako kung sa palagay ninyo ay merong mali. Salamat po.

Sa susunod ay aking idadagdag ang equivalent arabic word.